Ýowşan Annagurban

Ýolda

Maşyn kakypdyr, janawer
ýoldan geçjek bolup ylgap,
galypdyr ortalykda,
ýüzden barýan sagatda
adamlaryň astynda,
demir ata atlanyp,
çünki her kim gyssanmaç,
durjak ýa eglenjek ýok,
galdyrjak ýok ýatany,
aýak astyna düşüp,
men-de biri geçegçiň,
hem her gezek ýolda galany görsem,
durjak bolup, barjak bolup synanýan,
ýöne durup bilmän, baryp bilmän hiç,
öz üstümden geçýän ýaly gynanýan...