Ýowşan Annagurban

Goşgy bary aglap durka

Kofäňi iç, yzyndan
grant suwun owurtla,
hemem ir säherden,
il oýanmanka
daşaryk çyk, gezim et,
goşgy bary şahalarda
bişen alma mysaly,
alaýyň diýip aglap,
boýnun burup durandyr,
al hemem sal syganyn
jübiňe ýa papagyňa,
ýüregiňe, has dogrusy,
öýe gelip haýdan-haý,
ýaz ýadaýança eliň,
a soň halallyk üçin,
çap et bolar öýdeniň,
okajagy bardyr iliň.