Toslama ömür

Özi bolmakdan gorkan
özgelere öýküner,
ýylgyrar ýylgyrsalar,
gyýylar gyýylsalar,
aglasalar - şumjarar,
bolmaz ýoly, ýodasy,
il näme bolsa - şo bolar,
gomalsalar - gomalar,
dymar dymsa özgeler,
çünki bolmaz öz sözi,
aýdylmaly aýatda,
daşynda bolar gözi,
ürker her bir haýatdan,
aşjak, geçjek ornunda
görmez özüni asla;
özi bolmakdan gorkan
gorkmadyga gul bor ýa-da
ömrüni geçir toslap...