Han aganyň ýadygärligine

Han aga, bagyşla, gözüňi ýolda
goýdum hemem başarmadym gelmegi;
gözden, sözden galdyň, emma
gapa garap, soňa goýduň ölmegi,
ahyr biri aldaýança ýumulmady gözleriň,
gygyrdylar onsoň: "Gözüň aýdyň, Han,
razy bol indi, gideniň geldi,
söwer gyzyň, Baýramgüliň dolandy!"
A gyzlaryň biri bagyrdy naçar:
"Kaka jan, bagyşla, kän garaşdyrdym,
ýolum uzak boldy, öňüm baglandy..."

Gürrüň berdiler soň, ýylgyryp geňsi,
göýä yrza bolup, ýumupsyň gözüň,
belki-de düşünip oýnalýan oýna;
ýa, ýaradan, ganym duşmanymy-da
munuň ýaly ýowuz synaga goýma!..