Ýük meselesi

Agyr ýüki egniňe göterdiňmi bir gezek,
aşjak bolduňmy menzil,
ýadap goýduňmy ýerde,
ýol başynda, ortada,
ýa-da göterjek bolduň,
synanyşdyň bolmanda,
tapawudy ýok asla,
bilersiň ýük götermäň nämedigin azajyk,
agram näme egniňden basyp, çökerip barýan,
gapdalyňdan çöwjeýän güjükler her obada,
näme alýan badyňy ýa-da ýolda maýyrýan,
agyr ýüki egniňe götermeseň bilmersiň,
has gönüsi zandyňda ýük götermek bolmasa,
ýük gürrüňin etseň-de kän agzyňda aş gatyklap,
eger-eger, hudaý kessin, ýük ýanyna gelmersiň...