Rokwiliň keýikleri

Rokwiliň keýikleri tokaýdan
çykyp gelip, öwrenýän deý adamy,
aralygy saklap, üşerýär sese,
ýakyn barsaň, assa basyp ädimiň,
gulaklary sorag bilen keýerýär,
"Netiň näme?" - diýjek ýaly gürlese.

"Wah, suratjyk aljak, gelseň golaýa",-
siňe bakýaň siňe bakýan gözlere.
Rokwiliň keýikleri sada däl,
adam ýaly aldanmaýar sözlere,
hemem olar halamaýar gomparyp,
surata düşmegi ýasama durup...