Ýüregiňi goramaly
“In my heart of hearts, I am deeply miserable.” Jonathan Franzen
Ýüregiňi goramaly gaýgydan,
gamy bilen hasratyndan dünýäniň,
ýüzüňe uran ýatlary ýagşy niýetiň üçin,
hemem dyman ýakyny çykanyňda goragna,
ganyňy duruzýarkaň çäge sepip ýaraňa,
ýatlamajak bolmaly,
unutjak bolmaly baky,
ownuk daş deý ýoldaky...
Ýüregiňi goramaly şatlykdan,
keýpi bilen mesliginden dünýäniň,
gyzmaly däl soňy gelmez boşluga,
öz işiňi etmeli,
hemem seni dünýä beren
il aňyna gitmeli!