Il hakykaty

Il-ulus durmasa ýanynda, bile,
arkasynda, gapdalynda döş gerip,
žurnalistler, ýazyjylar, şahyrlar,
bagşylar, sazanda, ozan, suratçy,
adalat bir erteki bor owadan,
hakykat bir tapmaça bor, hiç kime
delalaty, haýry gelip ýetmedik,
ýekiriler, ýok ediler bir-birden,
ganhorlaryň diýenini etmedik,
el çarpmadyk ogurlyga, ýalana,
ýa-da tomaşaçy uzak, ýakyndan,
çekilmedik çekilenler ýanyna,
il-ulus durmasa ýanynda hakyň,
başgalar däl, özi galar ganyna.