Altyn derweze köprüsiniň üstündäki oýlanma

Bizde iller basmaçy, baý-garyba bölünip,
bolşewik-menşewik oýny gidýärkä,
maly, mülki bolan bolýarka duşman,
gyrylýarka iliň güli-gunçasy,
munda bolmajagy bolduryp adam,
Altyn derweze köprüsin,
ýüz ýyl soňam haýran etjek ynsany,
ägirtlige tarap ýoly gurýardy,
bizde bolsa men-menligiň ýörişi,
mertlik ýerne gedemlik
aýak diräp durýardy,
meger inkär çukurna
gaçmak aňsat, çykmak kyn,
gurýan diýip ýykmagyň
gelmeýär ardy...