Surat

Ezilýänler azalýarmy, köpelýär?

Adam terje miwe iýse her günde,
hem çeşme suwundan demlense çaýyn,
elin bolsa kofesi,
süýt-gatygy täzeje,
owadan jaýynda ýatsa hem tursa,
gyşda ýyly, tomus salkyn otagy,
arrassa, bag-bakja bolsa töwerek,
guşlar aýdym aýdyp, ýaryşsa irden,
akja köýnek geýip, gowy maşynda
aýdym ýa saz diňläp gitse işine,
döwük-ýenjik düwnügi ýok ýollardan,
gowy, elbetde,
emma şol terje miwäniň,
ýa arassa suwuň, elin kofäniň,
süýt-gatygyň täzeje,
hem belent jaýlaryň sowaýan, gyzýan,
maşynlaryň ýyldan-ýyla owadan,
ýa ýollaryň, bejerilýän her ýylda,
ýa-da akja köýnegiň
arkasynda kimler dur,
kim edýär gara işi,
gan-gabarçak elleri ýa ýüregi,
kim näme gazanýar eşretden uly,
kim çagasyn näme bilen ekleýär,
ýa-da kim nämeden gazanýar puly,
aýak üste durjak bolup ýykylman,
ezilýänler azalýarmy, köpelýär,
işçi-daýhan az ölýärmi, köp ölýär,
çala pikir etseň, aýlanýar başyň,
göz öňüňe gelýär bütin ömrüne
çöregiň yzyndan ylgaýan adam,
awy bolýar iýen aşyň...

Bölüme soňky goşulanlar


Sahypadan alnan eserler ýa-da pikirler haýsydyr bir görnüşde metbugatda ulanylanda "annagurban.coma" salgylanmak hökmanydyr.

Any views or opinions expressed on this site belong to an individual and do not necessarily coincide with those of the organization he works for.


annagurban.com copyright © 2006-2019