Aklar we gyzyllar goşgusy

Ogry-jümriň öňünde,
ýa ýalançy-kezzabyň,
parahoryň, pursat arap ejizi,
gan-derine gark eden,
gara göwün emeldaryň öňünde,
ýa şol emeldara ýapja,
mahluklar sürüsine
özüni aklarmy adam,
ynandyrjak bolarmy
"ak men" diýip, "päk men" diýip,
ýa-da diýip "netim gowy",
paralarmy bagryny,
ýöne adam käte gaşap,
beter edýär ýarasyny,
açyp ýürek ýagryny,
diýýär "men eýle däl, beýle",
hemem bilmän ak ertirin
boşa harjap, edýär öýle...