Gowulyk

Gowulyk ýa gowy bolmak hakyky
her kimiň özüne gerek ozaly,
başgalara soň gerek,
gowy bolan bolup ili
aldap bolar, elbetde,
emma özüň aldamarsyň, bilersiň
nirede nämäni edeniň galat,
ýa çigligiň, kelle berilen bolsa,
ýöne kelläň bolup, ýürek bolmasa,
ýa gaýrat bolmasa bolmaly ýerde,
galadyňy örtüp, gykylyk edip,
ýapdyrjak bolarsyň egniňe halat,
ýöne bilseň, gowy bolmak hakyky,
iň ullakan baýlyk her kime ilki,
gowy bolman beg bolup,
dünýe malyny toplap,
ýa-da depesine çykyp aglagyň,
bagtly bolup bolmaýar,
bolýar özüňi ýoklap...

Bölüme soňky goşulanlar


Sahypadan alnan eserler ýa-da pikirler haýsydyr bir görnüşde metbugatda ulanylanda "annagurban.coma" salgylanmak hökmanydyr.

Any views or opinions expressed on this site belong to an individual and do not necessarily coincide with those of the organization he works for.


annagurban.com copyright © 2006-2019