Şol bir zadyň iki manysy

Adam aýtdy:

"Eýranda bir azlyk milletiň wekil ogly-gyzy bilen milli lybas geýip, öz ata-baba halysynyň üstünde oturyp, dilden-dile geçen dessanlardan aýdym aýtsa, soň onuň wideosyny sosial ulgamda paýlaşsa, pikir etsin ýa etmesin, bu onuň ezijilere garşy eden hereketi bolýar. Pelsepe dili bilen aýdylanda, bu inkär etmegi inkär etmek bolýar. Emma öz garaşsyz watanyňda, ýurtdaky kynçylyklardan ünsi sowmak üçin guralýan bagtly sahnalaryna gatnaşyp, milli eşikli tans etseň-de, aýdym aýtsaň-da, saz çalsaň-da, bu garşylyk hereketi bolmaýar. Tersine, sowet döwründe bolşy ýaly, bu halka garşy propaganda, wagyzçylyga goşulmak, ony goldamak bolýar. Pelsepe dili bilen aýdylanda, bu inkär edileniňi inkär etmek bolýar.”