Şahyr we tozdurylan ýurduň adamlary

Adam aýtdy:

"Türmeden, sürgünden gözi açylmadyk şahyr Muzaffar al-Nawab, arap diktatorlaryny tankytlany üçin, Eýranda, Damaskda, Beýrutda, ýewropa paýtagtlarynda sergezdan bolup, ahyrynda Emirliklerde, 88 ýaşynda dünýäsini başgalady. Yragyň prezidenti onuň öz ölmez-ýitmez goşgularyny aýdym edip aýdýan adamlaryň ruhunda ýaşaýandygyny aýtdy. Şahyr öz ýurduna soňky gezek 2011-nji ýylda, ýurduň prezidenti uly dabara bilen garşylanda gelipdi. Premýer-ministr Mustafa al-Kadhemi bäşinji gün onuň jesediniň ministrligiň uçarynda ýurda getirilmegine çagyrdy. Goşgulary 2019-njy ýylda korrupsiýa garşy gurnalan protestlerde adamlaryň diliniň senasy bolan şahyryň jesedini gonamçylyga alyp barýan awtoulaglary premýer-ministriň ulag kerweni hasaplan ýaşlar bu gezek oňa, ellerine ilen zady salyp, hüjüm etdiler. Şahyry jaýlamaga gatnaşan adamlar hökümeti we premýer-ministr Mustafa al-Kadhimi iş başarmazlykda, 2019-njy ýylyň oktýabrynda korrupsiýa garşy köpçülikleýin protestlere gatnaşan raýatlaryň "sesini ogurlamakda" aýypladylar. "Muzaffar al-Nawab näme üçin Emirliklerde öldi?.. Sebäbi siz Yragy 19 ýyllap dolandyrýarsyňyz, sebäbi Bagdadyň hassahanalary hassalary bejermeýär, sebäbi ýurt ýaşar ýaly däl" diýip, yrakly žurnalist Omar al-Janabi twitterde ýazdy. Men bu habary okap, ýurtlar ala, adamlar ala, emma ýagdaýlar gaty meňzeş diýip pikir etdim!”

Bölüme soňky goşulanlar


Sahypadan alnan eserler ýa-da pikirler haýsydyr bir görnüşde metbugatda ulanylanda "annagurban.coma" salgylanmak hökmanydyr.

Any views or opinions expressed on this site belong to an individual and do not necessarily coincide with those of the organization he works for.


annagurban.com copyright © 2006-2022