Statistika, metbugat we durmuş

Adam aýtdy:

"Rus statistikasynyň maglumatlaryna görä, ýyl başyndan 8-nji noýabra çenli aralykda Orsýetde kartofeliň bahasy 51,56% gymmatlady, kelemiň bahasy - 88,19%, soganyň bahasy - 17,63%, käşiriň bahasy - 30,01%, pomidoryň bahasy - 5,67% gymmatlady. Hyýar ýyl başyndan bäri - 16,53%, alma – 5,44% gymmatlady. Şol bir wagtda, rus propagandasy Britaniýada iýere zat ýok diýip, uly alada galýar. Türkmen statistikasynyň maglumatlaryna görä, şu ýylyň on aýynda jemi içerki önümiň ösüş depgini 6,2% ýokarlandy, öndürilen önümleriň mukdary, geçen ýylyň degişli döwri bilen deňeşdirilende, 6,1% artdy, bölek haryt dolanyşygynyň möçberi, geçen ýylyň degişli döwri bilen deňeşdirilende, 16,5%, daşary söwda dolanyşygynyň görkezijileri 14,6% artdy. Benzin öndürmegiň meýilnamasy 107%, polipropilen öndürmegiň meýilnamasy 107,4%, gaz çykarmagyň meýilnamasy 122,8%, “mawy ýangyjy” daşary ýurtlara ibermegiň meýilnamasy 134,7% berjaý edildi. Geçen ýylyň degişli döwri bilen deňeşdirilende, şu görkezijiler boýunça ösüş depgini, degişlilikde, 123,9% hem-de 139,6% üpjün edildi. Rus metbugatyndan tapawutlylykda, türkmen metbugaty azyk bolçulygynyň döredilendigini aýtmagy gowy görse-de, başga ýurtlardaky azyk ýagdaýlary barada welilik satmaýar. Sebäbi, ýa ýurtdaky azyk nobatlaryndan habarly, ýa-da başga ýurtlaryň içki meselesine gatyşman, parasatlylyk görkezýär."

Bölüme soňky goşulanlar


Sahypadan alnan eserler ýa-da pikirler haýsydyr bir görnüşde metbugatda ulanylanda "annagurban.coma" salgylanmak hökmanydyr.

Any views or opinions expressed on this site belong to an individual and do not necessarily coincide with those of the organization he works for.


annagurban.com copyright © 2006-2021