Il meselesi

Adam aýtdy:

"Düşünmez ýaly zat ýok, il-gün gara işi kimdir birleriniň ederine garaşýar, özüni, çagalaryny aýaýar. Eger biri pikirini aýdyp, tutulsa ýa basylsa, çagasyny ýetim goýsa, olaryň içinde içinden ýylgyrýan köp bolýar, daşyndan 'hana, gördüňizmi, pikiriňi aýtsaň näme bolýar?' diýip, gülýän hem tapylýar. Sebäbi bu ýagdaý, daşyndan göräýmäge, olaryň messepsizligini aklaýar. Emma hakykatda bu il-günüň öz päl-niýetine görä ýaşaýandygyny görkezýär. Dymdyňmy, çekmesizi çekdiňmi, iki-ýeke öňe çykanyň arkasynda durmaga gaýratyň ýokmy, görnüp duran ýalana we talaňa ýalan, talaň diýip biljek dälmi, otur, ýaşa diýmeli olara."