Bolşuny aýtsam
Adam aýtdy:
Adam aýtdy:
“Ýene medal paýlanyşyk boldy, maňa bermediler. Sebäbi men medal berilýän adamlaryň hilinden däldim. Onsoň, işden gelip, adatça oýnaýan pida oýnumy oýnadym: maňa ýene medal bermediler, medaldan geçen, iki agyz hoş söz hem aýtmadylar, ýogsa kyrk ýyl bäri il-günüme, halkyma hyzmat edýärin diýdim. Öýdäkiler güldüler. Men dowam etdim: bolmanda siz bir öwüň, olar tanamasa-da, siz meniň gowy kakadygyny gowy bilýärsiňiz-ä diýdim. Aýalym bilen gyzym ýylgyrdy. Kiçi oglum gaşyny çytyp, 'pida oýnuny oýnamakdan ýadamadyňmy?' diýip, öz otagyna gitdi. Uly oglum gönüledi: 'Türkmeni öwseler, onuň nähili bolýanyny görmediňmi? Özüň aýdýardyň-a, 'öwlen oglan öňe nemeder' diýip. Hanha, öň biri özüni, halkyny dünýä masgara edip öldi. 'Aý, ene-atasyz ösen-dä, maşgala terbiýesini görmedik-dä' diýdiler. Ikinjisi geldi, ene-ataly, begendiler, emma öňküden beter boldy. Özüň aýdýardyň-a, 'bu göle boşansa, ondan beter' diýip... Ýeňleňde gaharyň gelse, iki ýeňliş bolýar diýýärler. Şu sebäpden, gaharymy basyp, ýalandan güldüm. Soňundan bolsa: 'Gowy, çagalaryma gowy terbiýe beripdirin, olaram özüm ýaly işini edýän, düzüw adam bolarlar, medala, hökümet öwgüsine satylmazlar' diýdim. Ýokardan kiçi oglumyň hüňürdisi eşidildi: 'Hawa-da, başgalar öwmese, özüň özüňi öwüp, öz aşagyňda ulurak domkrat goýmaly-da...' Bu bolan zatlary bolşy ýaly ýazmakdan başga alaç tapmadym.”