Bigeleň döwür

Adam aýtdy:

"Häzir 92 ýaşyndaky Býuboýra Kadyralyýewanyň we şol wagt ýaş KGB işgäri bolan Bolat Abdrahmanowyň tagallalary bilen 30 ýyl öň, 1991-nji ýylyň tomsunda Çon-Taşda repressiýanyň pidasy bolan jemgyýetçilik işgärleriniň 137-siniň jaýlanan ýeri tapyldy. Kadyralyýewanyň we Abdrahmanowyň maglumatlaryna esaslanyp, özi hem köp sorag-ideg, gözleg-agtaryş işlerini geçirip, Regina Helimskaýa 1994-nji ýylda "Taýna Çon-Taşa" (Çon-Taşyň syry) atly kitap ýazdy we çap etdirdi. Emma oňa näme iş etdiň ýa etmediň diýen bolmady. Bir aý öň, 1-nji sentýabrda ol ömründe hiç bir sylag alman aradan çykdy, ýazan kitaby bolsa şindi hem gyrgyz diline terjime edilenok" diýip, gyrgyz kärdeşim ýazýar. Atylan-çapylanlaryny ýatlamaýan, halk hakydasyny dikeltjek bolmaýan diňe biz däl, ýeke däl ekenik diýmeseň, biz gaty gynançly döwürde, gaty bigeleň ýaşaýarys."