Ömrüňi aýa
Adam aýtdy:
"Hakykat görjege garaňky gijedäki aý ýaly görnüp durandyr. Görnüp duran zady görkezjek ýa düşündirjek bolup köp söz zaýalama, fakt toplap ýa getirip, wagt ýitirme. Isleseň, diňe pikiriňi aýt, soňra reaksiýa seret, sorag berseler, soragy ýerlikli tapsaň, jogap berjek bol, ýogsa-da dym. Sözüňden ýa pikiriňden many çykarjak "ç" harpyndan "çaý" diýilýänini aňar, many çykarmajak bilbil bolup saýrasaň-da diňlemez ýa düşünmez. Saňa näme? Mugt berýän malyňdan ýüz öwürýänler bilen nähili baglanyşyk ýa gatnaşyk gurjak? Wagtyňy tygşytla, ömrüňi aýa, özüne bigänä wagt sarp etmekden beter özüňe bigänelik bolmaz."