Ýaşuly ýardamy
Çarlz Bukowskiden terjime
Şu gün bankda duran wagtym nobata,
edil öňümdäki ýaşuly adam
elindäki äýnegini gaçyrdy,
hernä gabyň içindedi, gördüm men
aljak bolup egilende nähili
kyn düşýänin, hemem diýdim ''Garaşyň,
meniň özüm alyp bereýin ony...''
Ýöne ýaňy galdyramda äýnegin,
hasasyny gaçyrdy ol elinden,
owadan, garaçyk, ýalpyldap duran,
men äýnegin uzatdym-da ýaşula,
soň egilip, hasasyny galdyrdym,
ýykylmanka tutup, berdim eline,
ol ýylgyrdy, çykarmady sesini,
soň öwrüldi aňyrsyna, men yzda
garaşýardym ýetip gelýän gezege.