Il agysy

Çapyp barýan atdym, belki,
baglajakdym aýlawlary,
namart döwlet urdy ýüze,
ot syçradyp gözlerimden,
soň çagyrdy ýazyjydyr
şahyrlaryn, ady belli,
uruň diýip, diýip dalaň,
ýeke-ýeke çyk diýilse
meýdanyna ala, Alyň,
het etmejek biri, Alla,
nämeleri diýdi, ýazdy,
soň tas bary öljek gedaý,
öz-özüne gabyr gazdy...

O birisi, şa şahyrmyş,
ýazyp berlen setirleri
okamagy başarmaýan,
bukulsa-da müň bir perdä,
sözi ýüzün ýaşyrmaýan,
aglan bolup, gülen bolup,
ili oýnap, gallaç goýan,
bermäň diýip gowy aýlyk,
kim-kim bilen halky soýan,
gitdi, galdy çukurlary,
millet bilen içindäki,
agzy hapa, sögünýän kän,
gynanýaryn ejesine,
nirde galdyň, gözel ilim,
çaman düşen bijesine...