Töhmetistan nalasy

Töhmetistan boldy ýurdum,
goşgy ýazsam, söz aglaýar,
bir adam ýok gürleşere,
aýdym aýtsam, saz aglaýar.

Türme boldy bütin ülke,
döwletbaşy dünýä gülki,
gurt men diýen boldy tilki,
gyş gelmänkä ýaz aglaýar.

Ýok adalat, bilýär hemme,
barlyň ogly emýär emme,
garyp bolsaň, ýylgyr, gülme,
Hytaý aldy, gaz aglýar...

Gaçan gaçdy, galan galdy,
ýer-suw boldy alan-aldy,
adam boldy diňe mally,
towuk, jüýje, gaz aglaýar...

Aglaýar il, uly, kiçi,
hem goýun aç, hemem geçi,
sygyr ölýär geçip içi,
gaçyp bilmän, tazy aglaýar...