Ýol goşgusy

Ýol ýol bolar, tekiz ýa-da çukurly,
Büdür-südür, tot-tozanly, daş-kesek
Dagdan düşen ýa-da gaýadan gaçan,
Ýola çykan geçmeli hem gitmeli,
Durma ýok tekiz bor ýol diýip haçan?

Ýa-da ol ýolboýy durup, säginip,
Ýol-ýodany soňsuz düzedip bilmez,
Göni gidip bilmez egri ýodadan,
Ýa yzyna gelse, gönüläp gelmez.

Ýola çykan ýol azygyn tutunar,
Tama etmez yzdan ýetişse, gelse;
Oňa “otur, gitme” diýerler, emma,
Geleniň barysy ýoldadyr bilse...

Ýöne kim oturyp, geçýär ýoluny,
Kim gurýar, kim urýar ortalyk maldan;
Ýol ýol bolýar, tekiz hemem adamsyz,
Adam aldap, gaçyp gutulmaz aldan...