Ýüz müňlerçe adam

Ýüz müňlerçe adam uzakdan synlap,
garaşar sen ýykylýançaň göreşde,
ertir ýalňyşlaryň görkezmek üçin,
ýa gynanan bolmak üçin çagaňa,
eneňe, ataňa, kösenen yzda,
gülmek üçin gep ýassygy edinip,
dost-ýar bilen duşuşanda, içende,
köpüsini bilmeseň-de atma-at,
tanaýarsyň onlarçasyn, gürleşip,
pikir alşyp ýolda, sowlup geçende...

Olar seniň pikirdeşiň gürlese,
düşünýärler diýýän ähli zadyňa,
ýanýar bary il-ulusyň derdine,
ýöne bary diýer: "Näme edeýin,
ýeke başym, birje sesim bar diňe,
beýlekiler köplük, bilýärsiň ahyr,
nädip geçýär saýlaw, seçgi, il diýlen,
hakykatda il däl, içi garalar..."
Ýüz müňlerçe adam özün uzakdan,
daş, demirsiz urup, ýaralar, alar.