Lellimler döwri
G. Maýkl Hopfyň äheňinde
Agyr döwür, uruş, gowga, jenjeller,
talaňçylyk dinli, dinsiz adyndan,
bedew atly, gylyjyndan gan damýan,
atarmany, çaparmany dogurar,
atarmanlar, çaparmanlar gürleşip,
birleşip gurarlar ýurduň gözelin,
okamaly, gülüp-oýnap ösmeli,
arassa asmanly, güneşi soňsuz,
gowy döwür, asudalyk nanköri,
lellim sürüsini dograr, köpelder,
bary birden, dil düwüşen mysaly,
özüni däl, başgalary düzetjek,
agyr döwür gaýdyp geler yzyna,
gitmez aňsat, bäri-bärde, bor höçjet.