Bir söz

Öýke-kine, gahar-gazap, nadyllyk
bir söz bilen, ýarym sözden başlanar,
ýerlikli ýa ýerlikli däl o diýen,
belki, artyk, aýdylmasyz hiç haçan,
belki-de aýdylan ýerinde, dogry,
ozal aýdylmansoň, köpelip ogry,
millet garyp-gasar, talanan bilen
talaňçylar toparyna bölünen,
duşmançylyk, ýigrenç güýçlener birje,
ýeke sözden, ýarym sözden möwç alyp,
ýerlikli ýa ýerlikli däl o diýen,
belki-de çekilen başga tarapa,
ýa birleri beýlekiniň ýüregin,
ýagdaýyny bilip, çişirip, ýaryp,
ýöne öljek hassa dikeler käte,
'Sen gerek, tur!' diýseň ýanyna baryp.