Menzil
Mahmyt Derwişiň äheňinde
Eger-de bu kagyz bolsa,
ýyrtyp, ýakyp, tozadardym,
diýerdim git, daşda ýaşa,
çüýşe bolsa şeraply, boş,
jäç ederdim urup daşa,
diwar bolsa, ýa ýykardym,
ýa-da ýadap, ýykylardym,
ýykjak bolup uzakly gün,
soň dikelip oturardym,
hossar ýaly, arka diräp,
emme ýürek, özümiňki,
alyp barýar meni süýräp,
nirelerden nirä geldim,
bellisi ýok haçan, nirde,
ýa-da nädip biter menzil?