Agyr kyssa

Men ýurdumdan gaçdym, baglar,
men ýurdumdan gaçdym, daglar,
size gelýän ýürek gyssa,
zalym boldy halkyň başy,
açgöz, doýmaz-domaz, nadan,
gorkdy göni görejine
garanlardan, ýatyp bilmän,
öldi her gün diri, ölmän,
KGB-sin küşgürdi ol,
ýazyjylar ýazdy ýalan,
şahyrlary dürtüp galam,
çykarjakdy gözlerimi,
ilki ejem boldy hassa,
ýüregini tutup gitdi,
soňra kakam boldy hassa,
gitdi gözün ýolda goýup,
men ýurdumdan gaçdym, derýa,
men ýurdumdan gaçdym, köller,
size gelýän ýürek gyssa,
ýöne diňe gaçanlar däl,
galanlar hem boldy hassa.