Özüme

Sen özüňde güýç tap,
Bolmasa döret,
Gargana gargamaz ýaly,
Ýigrenmez ýaly mugtuna,
Daşdan ýigrenen bendäni;
Kynam bolsa öz-özüňi igele,
Ýiteltjek bol, küti bolma kütä sen,
Güýç tap, bir ýerlerde bolsa, bolmasa
Döret ony, dogur hamyla bolup,
Ýogsa sende şine uran adamjyk,
Boý almagyň ýerne saralyp-solup,
Tänip gaçar bir gün ýaprak mysaly,
Sen özüňde güýç tap adam bor ýaly!