Adam we pikir

Her adam bir pikir diýerdim ozal,
belki, okap bir ýerlerden ýolugra,
indi bilýän pikir kän däl, adam kän,
hemem eger-eger hemmesi ýegre,
ýakyn bolup çykmaz bolsaň-da şeker,
käte tanap az-kän sylan adamyň,
ýüregiňe bulut bolup gam çöker.

Her adam bir pikir diýerdim ozal,
hem diýerdim söz haky bar hemmäniň,
emma indi görýän günde-günaşa
ýüzi ýyrtyk adamlary, eý, aman,
şol bir çaga çarbaýlygy, emmäni
maňa beriň, maňa diýýän ýadaman.

Ýok olaryň hiç pikiri, bolsa-da
gaýta-gaýta gaýtalaýan sözleri,
eger sesin ýapyp, seretseň siňe,
açar syryn hiç manysyz gözleri,
sessiz kino ýaly synlasaň biraz,
gönüläsiň geler: gerek däl, gapyl,
nämä gerek maňa bugdaýsyz haraz?