Heder etmeli adam

Ýurt başyna geleniň
bolsa ähli maksady,
ýa niýeti bilimi,
mekdepleri ýok etmek,
ysmaz etmek beýnisin
ulus iliň, gorkudan,
özi saklanmak üçin,
ýurt ýykylar, elbetde,
edil birden bolmasa,
ýuwaş-ýuwaş, gürrüňsiz,
oň yzynda duranlar,
soň gelenler goldasa
azatlygy bogmagy,
ýok etmegi üşügi,
düşünjäni, gözlerin
gapyp iliň has beter,
daňyp ony çörege,
ediň ol başdan heder.