Içdäki çaga

Içiňdäki ýaş oglany,
ýa ýaşajyk gyzy bejer,
ýetim galan, belki, ölüp,
ejesi ýa kakasy ir,
ýa-da diri ene-ata,
ýetim ýaly saklan bolsa,
ýa başga bir ýagdaý bolup,
uruş turup, duşman çozup,
ýa-da içden döräp duşman,
ýurduň ýetin galan bolsa,
ýetim ýaşan bolsa halkyň,
öwrenýärkäň okamagy,
ýa mekdepde bäşlik alyp,
ikilikçi klasdaşlar
giren bolsa ÝOJ-a gowy,
seni goýup gara işde,
bejerjek bol çagany sen,
içde galan, göýdük bolup,
töhmet atýan wagty döwlet,
terror atyn münüp günde,
ýok edýärkä sen şermende
diýip iki-ýeke çykyp,
goranlary ilin şerden,
iň esasy sapla ony,
boşatjak bol düýp hederden.