Belaly kürsi
Öňki prezidentiň öňki geňeşçisiniň ýatlamasy
"Bu kürsi – belaly kürsi!" - gygyrdy,
däli ýaly, böküp turup ýerinden.
Wah, işimdi, barmalydym "gel" diýse,
ateistdim, emma köşge giremde
çagyrýardym içden alla, hudaýy,
taňryny hem goşup üstüne käte,
gora diýip ýüzükliniň şerinden!..
Diýdi: "Munda oturmadyk düşünmez,
bilmez meniň ne günleri görýänim,
biri gelip aýalyny hödürlär,
beýlekisi aýalynyň doganyn,
sebäbi seň aladaňy ederler,
nememiş, ýekelik hudaýa ýagşy,
bu kürsi – näletli kürsi!" - Güldi ol,
adam däl-de, göýä utulan wagşy...