Žurnalistsiz ýurduň kyssasy
Janyl Jusujanyň feýsbuk sahypasyndan alnan suratyň aşagynda ýazylan ýazgy
Ozalam bir Saparmyrart, edenli,
žurnalisti gutarjakdy, gyrjakdy.
Şükür, käsi diri galdy, gutuldy,
dogry, käsi ýol başynda tutuldy,
käbirleri orta ýolda satyldy,
käbirleri öldi türmäň içinde,
käbirleri öldi daşyna çykyp,
käbirleri galdy ýat ilde içip,
käbirleri galamyny taşlady,
ilinden, dünýeden ýüregi geçip,
gowy habar: käbirleri işledi,
göreşini dowam etdi ýadaman;
erbet habar: käbirleri güldüler,
hemem yzda gidenlere garaşyp,
gol gowşuryp, diri bolup öldüler.