Giç tanalan atlylar

Goja goňşym gürrüň bererdi gülüp,
bir betnyşan, görse jyny gorkuzjak,
owadan ak aty münüp gelýärmiş,
köçä sygman, gamçysyny galgadyp,
"Bu eşegi nirden tapdyň, janawar?" -
gygyrypdyr biri saklanyp bilmän,
atly adam sakga jylawyn çekip,
azgyrlypdyr: "Giňiräk aç gözüňi,
bu eşek däl, seniň özüň janawar,
diýmezden öň seljer aýtjak sözüňi!"

Pyýada diýipdir: "Atdan soradym,
seniň bilen eger-eger işim ýok!"
Men ozal bu ýöne gepdir öýderdim,
arman indi agzymda bir dişim ýok.