Unudylan gullar

Özüni 0-a çen peselden bende,
uly boljak bolup, ulalyp bilmän,
özünden daş düşüp, özüne gelmän,
namaz okan bolup, aldap özüni,
ýok edip, öldürip ýürek sözüni,
ýalany däl, çyny edinip heder,
özi ýaly 0-a düşen kärdeşin,
meslekdeşin ýatlap, gürrüňin eder,
'hä' bermeseň, sen biedep, bigadyr,
'hä' berseň, pikiriň 0-lara gider,
uly boljak bolup, köp bilip, belki,
gullar obasynda eglenen, galan,
daşyndan görmäge akylly, dana,
elleri galamly, başy pikirli,
kelläňi agyrdar birsellem gitman,
unudylan gullar, pikiri kirli.