Dymyşlygyň sebäbi
Ozalky rus sülçüsi Andreý Zykowa
Jenaýaty çynyň bilen derňeseň,
açjak bolsaň ogurlygyň üstüni,
ownuk-uşak däl-de, uly,
pikir etme ownuk-uşak oglanlar
ýa-da gyzlar çykar öňümden diýip,
ýüňi ýeten ärler çykar ýokarda,
ýüz müňi, milýony edinip guly,
hökümetde höküm edýän,
hem özüňi aç-hor, ejiz ederler,
başarsalar taşlap türmä, zyndana,
adamlary gul etmeýär akmaklyk,
ýesir edýär içindäki hederler.
Millet bilýär jenaýaty kim edýär,
ownuk-uşak däl-de, uly,
has uly wezipä çykyp, ornaşyp,
aşak düşmez ýaly-bärlerde,
gözi gorkan adam akylly dymýar,
çaý-çörege ýetse, ýetmese puly.