Sen türkmeni okatjakdyň
Baýramgüle
Sen türkmeniň çagasyny
okatjakdyň, bilmeýärdiň bu galat,
ýa gerek däl hökümete, döwlete,
bolşewik-kommunist ýolundan barýan,
ozaly okany, bileni urýan,
hem öldürýän hak sözüni aýdany,
azanlaryň niýetini, pälini,
üstesine 'halky satan',
'ýurdy satan' ýazjynyň,
tejen-tekäň aýaly,
indi Pragada gyşda hem ýazda,
aç ýa gurýan höwürtgesin täzeden
guşlar üçin açyp restorany,
ýa-da gyşda uklamadyk kirpini
aç goýmajak bolup, alada galyp,
goňşy, myhman pişikleri naharlap,
sen özüňe berjek bolýaň teselli,
sen türkmeni okatjakdyň, jigerim,
meger, indi onuň etjegi belli...