Wehim salmasaň

Hiç kime wehim salmasaň,
ýa howp-hatar bolmasaň,
ýaragly ýa dürreli däl,
boýuň hem syratyň bilen,
başda akyl bilen, belki,
huşuň bilen biraz ýiti,
ýa-da biraz başgaça
görşüň bilen durmuşy,
duşmanyň bolmaz asla,
bolmaz bahyllyk eden,
taýak sokan tekeriňe,
bilen, tanan ýa saýgaran,
ýolda gören az bolar,
pete-pet gelseňem her gün,
emmaki bir zatlar bolsaň,
ýa bir zatlar başarsaň,
ýa başarar öýtseler,
garaş gaçyp gitseň-de,
dagdan, derýadan geçip,
tapylar yzyňdan gelen,
geljek bolanlar ýa-da,
badyň aljak bolarlar,
çolaşarlar aýagyňa,
ýa bularlar ýüregiň,
emmaki wehim salmasaň,
hiç kim bolsaň dogrusy,
duşmana ýok geregiň.