Göýdügiň ykbaly

Biri-birin ýok edýäne başarsa,
ýa aşak basýana özünden beter,
pikir etme aňsat bolar aýňalmak,
ýa garaşma hakdan hemaýat ýeter.

Diýme alla bir gün garaşyk eder,
egninden göterer ejiziň, horuň;
agzy ýetse bir-birini iýjege,
ne taňry, ne adam görkezer zorun.

Sebäp olar halka, hudaýa garşy,
bolsa-da dilinde halkym ýa hudaý;
soňuna çen gider düşen ýolundan,
hiç saklanjak bolmaz ruhy gedaý...