Kesbi-kär

Il üçin durjaga,
köpri gurjaga,
ýol çekjege dagy-daşy owradyp,
elini gabarçak edip,
gan öýdürip ýüregni,
bir nokada gelmek,
birleşmek gerek,
hemem ýykmak gerek gerek bolanda
işikdäki iň arzyly deregni,
durmak gerek her degerli kesegiň
arkasynda arslan bolup, şir bolup,
tilki bolup sapalak
atmak gerek däl asla,
ony oňa garşy goýmak,
garpyz bermek birleriniň goltugna,
beýlekiniň ýüregini çişirmek,
üçünjiniň tekerine taýakmy-demir sokmak,
dördünjiniň öňünde tapan zadyň üýşürmek -
pişesi däl ile beriljek merdiň,
kesbi-käri, meger, soňky namardyň.

1.11.15. Rockville, Maryland