Güýzüň manysy

Güýz diňe owadan sary surat däl,
gözelligin gözde guçup gitmeli.
Hemem köwşüň aşagyndan eşdilýän
ýaprak agysyndan gaçyp gitmeli.

Durup, siňe baksaň ne bir agaçda,
ne-de bir ýaprakda bitmez ýara bar.
Olar, ata-ogul ýaly hoşlaşan,
bir-birine buýsanç bilen garaýar.

Çünki hersi öz işini bitirdi,
hem indiki ýumşa taýýar her biri.
Güýz gussa çekmegiň wagty däl asla,
öwredýär ol ölüp galmagy diri.

29.10.15. Rockville, Maryland