Ýagşylygy özi üçin etmedik

Gowulygy özi üçin etmeýän
seniň üçin edermi?
Gowulyga özi üçin gitmeýän
seniň üçin gidermi?

Çagyrma gelmese, kim bolsa bolsun,
bilip ýa-da bilmän çekilen yza.
Eliň berjek bolup, galma ýoluňdan,
aýak sesin eşdip çökene dyza.

Dogry, menziliňe ýetmän bilersiň,
ýa-da ýetirmezler, bu başga öwrüm.
Emma öz-özüni har eden üçin
Hiç haçan aýbyny agtarma döwrüň.

Hemem başga günäkäri gözleme,
her kim gowy etjek bolmasa işin.
Ýagşylygy özi üçin etmedik
ýylgyrtmaz hiç haçan özgäniň dişin.

21.10.15. Rockville, Maryland