Meýletinlik

Eger-de adamyň özi meýletin
batgalyga giren bolsa,
ýagny biznes eden bolsa
edilmesiz döwlet bilen,
hem gapana düşen bolsa,
taladan bolsa özüni,
balagyna çenli, belki,
seniň nä işiň,
nemüçin ol seň ejeňi öldüren,
seň kakaňy öldüren
ganhor bilen şärik boldy birinji,
a soň senden haraý isleýär ýanyp,
jaň edýär: "Dat, bidat, watan galmady!"
Seniňmi ünji,
ýa-da alada,
öz siňegin özi gorasyn sen däl,
puly, ogurlany bolan guwanjy...