Üç ülpet duşuşdy bir meýhanada

Üç ülpet duşuşdy bir meýhanada,
içmek üçin, elbetde.
Biri diýdi: "Şeýle ýadadym, walla!"
Beýlekisi diýdi: "Etimden ötdi..."

Ilki ümsümlikdi, emma birazdan
agralan kelleler ýeňledi, gyzdy,
biri, soňky döwür ýaponçy bolan,
howada el bilen balygy çyzdy,
hemem diýdi: "Öwretmeli tutmagy,
ýöne berseň, iýip gutarýar millet,
tutmagy öwrense, ömür garny dok,
ýaşaýyş däl, walla, çekdirse minnet!"

Beýlekisi diýdi: "Aýdýarsyň dogry,
balyk berseň, bir gün iýer, ertir aç,
emmaki öwrense balyk tutmagy,
ýa bir hünär, ýa ýasasa bir gap-gaç,
adam ogly mätäç bolmaz kesekä,
ýa-da garny doky gezmez kesekläp..."

Emma üçünjiniň pikiri başga,
ol ne balyk bermegi,
ne tutmagy öwretmegi goldady,
diýdi: "Hemme balyk tutsa,
deňizde galmaz balyk,
Gowusy balygy adama bermän,
adamy balyga bermeli halk..."