Özüň üçin dur, çekilme

Özüň üçin dur, çekilme,
bir ädim, iki ädim,
a soň on ýa ýigrimi,
yzda ýer ýok çekilere,
çekilenler üst-üstüne
ýatyr onda siňekläp;
Özüň üçin dur, çekinme,
bahana kän çekinere,
ýa sebäp hatar-hatar,
emma her bir çekineni
tapylmaz gelip çeken
ýokaryk ýa biraz öňe,
ýa-da ýatyryp eklän,
hem nämüçin eklemeli?
Özüň üçin dur, çekilme,
çekinme hiç durmakdan,
durmasaň bolmaz saklan,
hem nämüçin saklamaly?