Eje jan, bagyşla, käbäm!

Eje jan, bagyşla, käbäm,
elimi uzatdym ile,
elde barym berjekdim,
ellerime urdular,
dilimi uzatdym ile,
dilde barym berjekdim,
dillerime urdular;
Eje jan, bagyşla, käbäm,
durjak däldim daşdan garap,
ölsem-galsam barjakdym,
emma daşdan taýak salyp,
aýagyma urdular,
turmaz ýaly, durmaz ýaly,
üýşüp gapan gurdular;
Eje jan, bagyşla, käbäm,
hemem bagyşlama hiç,
ogluň bolman, däldirin men,
ýetişmesem iru-giç!..