Ar buludy

Ar buludy, goýy, gara,
aýlanyp ýör asmanynda,
ol illeriň, bu illeriň,
ahmyr bolan arzuwlary,
aýlanyp ýör asmanynda,
ol illeriň, bu illeriň...

Ezileniň gözde ýaşy,
guran käte ýaňaklarda,
siňen käte eşiklere,
daman käte gara ýere,
howa gyzyp çenden aşa,
bugarypdyr uzak ýyllar,
haçan ýagjak, bellisi ýok,
kimler ölýär 25-de,
kimiň şindi ellisi ýok,
näme boldy, ýa bolmady,
jaýlaýarlar 75-de...

Ar buludy, goýy, gara,
aýlanyp ýör asmanynda,
ol illeriň, bu illeriň,
käbirleri bilýär, görýär,
käbirleri düşünmeýär,
düşünmedik bolýar ýa-da,
ýöne görüp daşdan, içden
hiç bir ile diýmäň sada...