Gitaraly nesil

Gitaraly nesil geldi,
ýa göwnüme, ýa üýtgeşik,
öňkülerden başga olar,
gyjakly däl, dutarly däl,
ýa bu meniň islegimmi,
gitaraly nesil geldi,
diňlänleriň ýüzi güldi,
göwni güldi adamlaryň,
az ozalky köýdüm, öldüm...

Olar gaty gygyrmaýar,
agram salyp bokurdaga,
bir ýerlere howlugmaýar,
gelýän ýaly yzdan ýagy...

Ýok ýüzünde gorky, müýni,
aýdýar olar aýtjagyny,
kim tutupdyr bu dünýäni,
bilýär hemme gaýtjagyny...

Ýok, KGB, ili basan,
bizi gülüp, ýüpzüs asan,
pikir etme, susdurmarsyň,
bolmaz bu iş saňa asan!

Siz olary döwmersiňiz,
bir, ikiden, bizler ýaly,
olar köplük, açyk kitap,
aýyby ýok, gizlär ýaly...

Gitaraly nesil geldi,
ýa göwnüme, ýa üýtgeşik,
öňkülerden başga olar,
az ozalky ýandym, öldüm...