Baş başlyk we beýlekiler

Hat baranok baş başlyga diýýärler,
arzyň bolsa, diňlejek ýok ýeke-de,
döwlet öldi, pulsuz bolsaň ýok eýäň,
umyt ölýär ýomut, gökleň, tekede...

Diýdi adam aglan aglap diňmeli,
hökümet ýok, talaňçy bar bir topar,
ýalançy bar, ýüzi galyň adamlar,
şeýle bir kän, belki, pälinden tapar...

Ýok, belki däl, tapdy millet pälinden,
geçirimli, parhly bolan bolýarlar,
dosty bolsaň heňkirýärler üstüňe,
duşman görse, ak baýdagy alýarlar...

Hat baranok baş başlyga diýýärler,
kanunlary goramaly, bilmeli,
ýok, ol bilýär, öz ýüregin goraýar,
agyrtmaýar, il-gün entäp ölmeli...